انفصاااااااااام

مبقتش عارف انا كام واحد !

ظعبوتي العزيز انا اسف

ما تستغربوش العنوان انا بعتذر لكل الناس عن الغيبة الطويله دي عن العلبة

وكمان بعتذر بشكل خالص لظعبوطي (اللي هو طبعا ظعبوط العفريت للي ميعرفش)

وقررت اني انفض الظعبوط من العنكبوت والتراب اللي عليه وابدأ اكون تاني عفريت العلبة

انا مش كده على فكرة !!!

ليه ديما اغلبية اللي ما يعرفونيش يفكروني زعلان بعيط على طول

متشائم ومحبط ايضا

انا عمري ما كنت كده يا جماعة

وكمان احساسي بأن الناس فكراني كده دا بيضايقني جدا

كل مافي الموضوع يمكن بفيت بشوف شويه بعقلي اكتر من قلبي

لكن قلبي موجود

انا عمري ما كنت زعلان ولا متشائم ولا معقد ولا غير راضي (او حتى عايش في الدور على رأي بعض الناس)

انا شخص عكس كده تماما والله من وجهة نظري على الاقل!!!

تقدرو تقولوا اني (بسيط مبسوط) وده عنوان المدونة الجديدة ان شاء الله

مش معنى كده اني هسيب عفريت العلبة

لكن محتاج اني اغير المسار ده شويه يمكن اكون انا الغلطان ومخلي الناس تاخد الفكرة دي عني..!!!

مع العلم انا مؤمن جدا بمبدأ

(وجهة نظري صواب تحتمل الخطأ ووجهة نظر غيري خطأ تحتمل الصواب)

وأخر الكلام

ســــــــــــــــــــــــــــــــــــــــــــــــــــــــــلام

manmana !!!

الواجب

واجب واجب واجب.............................واااااااااااااااااااااااجب

نياااااااااااااااااااااااااااااااااااااااااااااااااااااااااااااااااااااااااااااااااااااا

طيب نخش في الموضوع بقى...

اولا اجب عن السؤال التالي

اذكر 6 حاجات محدش يعرفهم في اول مره يقابلك؟

الاجابة

1-اولا انا بحب كل انواع الفنون وبحب الموسيقى كتير اوي وبعزف..تشيللو(ودي بتبقى اول صدمه لاي حد ما يعرفنيش عارفين ليه؟

واحد قبل كده في اول لقاء لينا قالي انه مش باين عليك كده خالص شكلك ما بتفهمش في حاجه اصلا )

2-بحب الناس كلها وبحب يكون حوليا اصحاب كتير بحب العمل الجماعي جدا اوي خالص

3-عصبي جدا جدا جدا جدا جدا جدا جدا جدا جدا جدا لكن والله مش بتنرفز بسرعه يعني بفضل هادي وفجأه بنفجر

المشكله اني اوقات كتير بنفجر في الوقت الغلط وده بيخليني ازعل من نفسي اوي اي اوي

4-بحب التفكير جدا واحب وجع الدماغ اكتر كلمه بتغظني في الدنيا (كبر دماغك -قضيها)

5-مش عارف ليه ديما ببقى واثق في نفسي بس والله مش غرور (رحم الله امرأ عرف قدر نفسه) وده يمكن ساعات

بيخليني موسوس اوي في شغلي ومش بحب اعتمد على اللي حوليا فيه...على شرط اني ساعات بضطر لده ودي بتبقى مشكله بالنسبه لي

6-مابحبش المشاكل بحب اكون ديما في سلام نفسي مش بحب اتكلم كتير بفضل اسمع لأني بكده هتعلم اكتر وده يمكن بيخلي بعض الناس تفتكر اني مش فاهم او مش مهتم.

__________________________________________

السؤال التاني

المفروض اني ادي ل6 من عندي الواجب ده ؟

الاجابة

متهيألي مش هينفع لأني اولا معنديش 6 ثانيا ال3 اللي عندي بيعمل نفس الواجب اللي انا بعمله ده

والسلا م عليكم ورحمة الله

رفعت الجلسه

سر القمر

طيب خلينا نشوف ..........يمكن يكون السر في اننا كلنا بنحبه

مع اننا معدناش بنحس بوجوده زي الاول اصل عواميد النور غطت عليه.....

اكتر شي بيفرحني لما النور يتقطع عن المنطقه كلها ويبان جماله بنور فضي

طبق بنور منور في السما مع انه نور ابيض لكن محسسني بالدفا.....

اول حاجة بفكر فيها اني الون النور ده....... ها ايه رأيكم كده ؟؟؟

برده لسه فيه سر غريب
القمر ديما بيربطنا ببعضنا
من غير ما يحس
ديما بيبقى شاهد على حبنا
حتى وانا بحبك بتغزل فيه
واوقات كتير بيبقى مكسوف

ورا الشجر لكن برود

هو هو القمر

ما بيتغيرش

حاجة غريبة اوي

............

ومش بس في الحب بيبقى موجود

دا عنصر لا يتجزء من عناصر

الخوف

لكن بردو يفضل السر موجود..!!

مع اني بحب معاه

وبخاف منه

او على الاقل في وجوده

لكن دي تبقى مصيبه لو مش موجود

نفسك يبقى القمر بتاعك لواحدك؟
عايز الحق وانا كمان
بس مش كده انا عايز اعيش عليه

لا مش كده بردو انتا فهمتني غلط !!!
ايوه طبعا نفسي يبقالي بيت على القمر

لكن
انا نفسي يبقى صاحبي يحبني زي ما بحبه
يونسني واونسه

ويبقى مرشدي ورفيقي في طريقي

لكن بردو فين السر لسه انا مش عارف

يمكن السر في كل الحاجات دي

ولا دي مجرد هلوسه مني

عارفين ....

مش مشكله

المهم انه هنا

اصل لأنا وانتا ولا هو ولا هي

ولا حتي اي حد في الدنيا

ممكن يشكك فيه كلنا بنشوفه

في كل حته

شكله بيتغير كتير في عيونا لكن هو ومافيش غيره

القمر

Mystery the moon

A hole in the sky

A supernatural nightlight So full but often right

A pair of eyes a closin' one

A chosen child of golden sun

A marble Bird that chases cars To farthest reaches of the beach

And far beyond into the swimming sea of stars

عم جاهين قال .....

أنا شـاب لـكن عمـرى ولا ألف عـام

وحيـد ولـكن بين ضـلوعـى زحـام

خـايف ولـكن خـوفـى مـنى

أنـا أخـرس ولـكن قـلبـى مـليـان كـلام

عـجبى !!

لو تعرفي

لو تعرفي...
أنا قد ايه موجود تملّي ف سكّتك
و حلم دافي لسّه تحت مخدّتك!
أنا قوّتك..
حرّيتك..
حنّيتك!
و تهوّرك..
و حكمتك..
و ألفتك..
و غربتك...
و رغبتك ف الحياة!
..
و هل افترقنا؟!..مش صحيح
الحب غيّر كل شيء
و الروح تبوح بأسرار اللقا
لحظة ميلادنا كل يوم!
..
ليه ترسمي الكون الوسيع صندوق ورق!
استسلمي و احلمي بكون جديد و مختلف
و اللّي نلاقيه هوّ المهم..
و أي شيء بنخسره ماهوش مهم
و مستحيل الحلم ممكن يبتدي..
من غير وصال بين البشر!
و نجوم كتير بتتولد حين نلتقي
و نجوم تموت...لو نفترق!!

تووووووووووت

جربت يكون القطر كله بتاعك؟

انا جربت

اربع ساعات لواحدي في عربية قطر من غير

ناس من غير نور من غير شبابيك من غير حتى باب..!

عربية قطر فيها شويه فتحااات

وصفين كراسي على كل جنب

صوت الحديد وهو بيعافر مع بعضه عشان يوصل

والصوت ده هو اللي مونسني

ظل الشجر اللي بيجري

من قدام ضؤء القمر

واقع على المدخل

ومربع اديا في بعضها عشان حاسس بلطشت برد

لكن مبسوط ..الام بي فور في وداني عمال بسمع

في مزيكا وفيه ميكس جميل بين المزيكا والجو اللي انا

فيه ده

القمر شكله حلو اوي والشجر كمان

عارفين.. نفسي ما انزلش من القطر !!

قطر حياتي

My Dearest Old Friend

just want to say

Many thanks and respect

طاحونة أحلامي

جربت يكون حلمي صغير لدرجه انه مبقاش على قدي لكن رضيت بيه ......

جربت اني اكون حلمي وفي حلمي اشوفني فرحان بيه......

لكن في كل مره ما بيتحققش والاغرب من كده اني عايش فيه....

و فيه ؟!

ساعت بحس اني شوية هوا في وسط الريح

والريح رايح في طريقة مش عارف فين ولا ليه؟

اكتشفت ان حلمي ما عمروش كان فـ الريح

حلمي اهو بيقرب عليا

عمال يكبر وهيا كمان !!!

ياترى هقدر اوصل

ولو وصلتله

حقدر احرك حلم عايش في طاحونة مهجورة

دا نا مجرد ريح بيحاول يخبط في

طاحونة احلامي !!!!!!

this is my mystery

Sometimes The Silence Can Seem So Loud

رول باك

عارفين ايه دي ؟!!!

دي علبتي ...............................الساعة كانت ستة وربع صباحا ساعت الحدث!!!!
كنت قاعد بفكر وافكاري عمالة تجري من حاوليا ومش عارف امسك منها حاجة.............
فجأة اتلاقيت حاجة بتخبط على كتفي وبتقولي بص فوق!!!!!
بصيت مع اني انا عارف ايه اللي فوق ..................شويت علب قديمة
لكن نظري وقع على علبة انا كنت اهملتها من زمان ..........
علبتي انا !!!! من زمان مافتحتهاش من زمان ما بصيتش جوها
رجعت تاني لافكاري وغصب عني لقتني قمت من على سريري لحد دولابي وقمت جبت العلبة من مكانها على الشمال
فوق الدولاب وكان فيه فوقهيا علب تانيه فاضية.....
شلت العلب , سحبت علبتي من تحتهم
نفضت التراب من عليها ..............قعدت على السرير بصيت حواليا....زي ما اكون بسأل نفسي انتا متأكد انك عايز تفتحها؟
اتحسست العلبة بإديا الاتنين اتلقيت كلام كتير ودوشة وناس فراحنة وناس تانيه بتغني وفية شوية في الركن بيتهامسوا واحد منهم شوار عاليا
فيه بنت في اخر الاوضة مش بتكلم وفيه ناس بتسلم عليا وفيه اللي مكشر في وشي وفيه اللي شبهي (دا انا) انا كنت ليه كدة....؟
شيلت ايدي من على العلبة وافتكرت اني
ديما كنت بقول عشان خاطر ما انساش ذكرياتي وتجاربي واحلامي وأصحابي القدام واعدائي الجداد..............
لازم يكون فيه علبة تشلهم وكمان عطر مميز يفكرك بالحدث وشوية ورق فيهم كلام كتير منه اللي اثر فيك ومنه اللي رميتة في نفس العلبة
وما بتفتكرهوش غير اول لما تمسكة وتعد تسأل نفسك مين الللي جاب الورق ده هنا...ههههههههههه حاجة تضحك واخر عنصر عشان
تحس انك في قلب الحدث هو حتتة المزيكا اللي انتا بتحبها والأغنية اللي كنت بتسمعها وتعد تعيط عليها بينك وبين نفسك وتقعد تقول الكلام
بتاع الاغنية دي عشاني او كأني انا اللي كاتبة..............
المهم كل دة كان موجود جوة العلبة بتاعتي مكانش فاضل غير اني افتحها واعد افتكر ايامي الحلوة وزكرياتي الوحشة
ايام ماكنت بحلم وبحب وبتعب بنام وبصحى اتألم وافرح اضحك من قلبي او أضحك على نفسي!!!!

فتحت العلبة وونقيت من ضمنها شوية احداث هي مش مترتبة لكن دي رجعتني لأيام انا كنت بحبها اوي وفكرتني بناس يمكن بقالي شهور وسنين ما شفتهمش لكن لما طلعت الورق حسيت انهم معايا او اني انا اللي رجعت ليوم الحدث والذكرى وكأن اللي حصل بيتكرر
قدام عيني بس المرة دي انا كنت بتفرج .....ايه رأيكم تتفرجوا معايا ....؟
على العموم اللي مش عايز يتفرج مش لازم يقرأ كل الكلام انا هكتب من والورق اللي جوه العلبة يمكن حاجات
كتير ما تتفهمش لكن بالنسبة لي الجمل والكلام اللي جاي كان مواقف حقيقية في حياتي...

ســـــــــــــــــــكــــــــــوووووت

رووووووووووول بااااااااااااااااااااااااااااااك


اكشن.
بداية القول بسم الله الرحمن الرحيم
تذكر دائما اختك العبيطة دائما ...... بالأنجليزي
انا مش عارفة اكتب لك ايه...ملحوظة انت عارف ياأحمد لو ضيعت الورقة دي
هعمل فيك إيه...؟

______________________________
أكشن
عفروتو تشيللو باشا ياواد يا جامد انت عارف انا بحبك وبعزك اد ايه
من قبل اسبوع شباب الجامعات من ساعت ما شفتك في السويس
حافظ على مستواك وخليك ديما فاكرني
حسام.
_____________________________
أكشن.
انا فعلا ماكنتش عارف اني هحبك كده انتا انسان مش بقابة كتير
وفنان بردة مش بقابلة كتير وعايز اقول لك على حاجه
حاول تحافظ على صداقتنا على قد ما تقدر او اكتر وربنا يجمعنا ديما في الخير...
أخوك amr fouad

_______________________________
أكشن.
من أخوك حزافيرو الي عفريت التشيللو
يارب تكون مش زعلان مني في أي حاجة وتعتبر منخيرك بيانو ونعمل
علية ترلل يا افشل عازف تشيللو
ويارب نفضل اخوات واصحاب طول العمر
واشوفك بتعزف كويس مرة من يومك
ربنا يحبب فيك خلقة

اخوك شريف حزافيرو
________________________________
أكشن.
إلي اخي العزيز احمد
طبعا انا عارف ان انا بديقق كتير
وسعات بخليك تشد في شعرك لكن بما إني بكتبلك
كلمة فبقولك ما تذعلش
لاكن دا بش معناة إننا هبطل أديقق
لاكن دا هيدلك أمل في المستقبل أننا هبطل أدايقق
وبدعيلك يارب تبقى أحسن عازف تشلو في العالم
أخوك الصغير:زوزع(اسلام)
__________________________
اكشن
إلي صديقي صوليست التشيللو في دار الأوبرا المصرية
أحمد محمود
طبعا انا شايفك قدامي لأني انا صوليست الفيولينة وقاعد قدامك
بس انا عارف انك مركز في النوتة..........ظبط صوابعك ياض
لأجيب يحيي مهدي يكدرك ههههههههههههههههه
لأ.إن شاء الله هتبقى أحسن من يحيي مهدي
وهنحقق حلمنا الكبير ونكون صوليستات في دار الاوبرا الروسيه
وان شاء الله هتكون في اكبر الفرق
مع صديقك وزميلك في دار الاوبرا بروسيا
الصوليست الجامد قوي (المتواضع)
أحمد العرباني
_________________________________
أكشن
من أخوك في الله/احمد سامي ISP For U
الحمد لله ربنا خلص منك تأخير المواعيد يااااااااااااه
أنا سمعت ناس كتير اوي بتدعي علينا في نفس واحد
وعلى فكرة انتا بتعزف حلو اوي اوي وانا نفسي اعزف زيك
كدا بس خليها ليك مش للشغل
انا عارف انك ندل ومش هتتصل بيا الورقة دي يمكن
تفكرك بيا في مرة بس خلي لما تفتكرني تكلمني

وكان نفسي احقق حلمك
ونوصل نت للقمر بالسلك انا عارف هو هياخد سلك كتير
بس انتا عارف مشكلة الموصلات في مصر صعبة
احمد سامي
_______________________________
اكشن.
اخي العزيز احمد محمود

أيام مجنونةعدت وإحنا وسطها عملنا كل حاجة
ضحكنا بكينا جرينا كل حاجة كل حاجة
وفي كل مرة كنت بلاقيك معايا.
ذكريات حلوة اوي عدينا بيها مع بعض واكيد هتفتكرها في يوم من الايام
وهتقعد تضحك عليها اوي يارب تكون كلها زكريات حلوه كويسة
كلها خير واتمنى اني اكون قدرت اعمل واجبي كصاحب واخ وصديق
وكل حاجة
اخوك الصغير
shiko
___________________________________
ستوووووووووووووووووب


انا بقول كفايه كده زكريات من العلبة انهرده انا طلعت منها ياما
قفلت العلبة ورجعتها مكانها وافتكرت موقف هو اللي خلاني احتفظ بالعلبة دي

زمان كان فيه شخص انا بعزة
كان معايا جاب ورقه وكتب فيها

عندي حالة ملل بتفقدني الامل والحياة ..........

خدت منه الورقة وكتبت فيها.....

ولكن هناك من يداوي
والأمل وراء كل باب مظلم
كل ما عليك فتح هذا الباب
تجد وراءة ما يجعلك انسان
زكريات تحيك اصدقاء بجانبك
حافظ على كل ابوابك مفتوحة حتى لا يضيع الامل

إمضاء
إنسان.........,

مسرحيه من غير جمهور

مقدمة لابد منها ...............اعزروني

مسرحية مش ممكن تشوفها أبدا وبتتمثل كل يوم ... بكل بساطة جمهورها هما الممثلين .. والبطل الأحداث

والمسرح حياتهم ............. مين ممكن يتفرج ويمثل في نفس الوقت....؟

اسيبكم مع مشهد من المسرحية دي...............يمكن نشوف حاجه , أو على الاقل نفهم !!!!!!!!!!!

مشهد اغبى مني

جايز

يمكن

مش ممكن

والممكن ممكن يتممكن

مسرح

جمهور

إنتظار

المكان....مدى

الزمان....ديما

الشخصيات :

هو

هي

جايز

صوت .

تتفتح الستاره

تكوين لشكل مش متشكل لمكان ما ...

الألوان مدموجه بهو وهي

الخلفيه هما .

يظهر هو ملامحه مش واضحه

مكياجه هي

يتكلم

صوته ما يطلعش

محدش يسمعه غير هي .

تظهر هي

ملامحها مش واضحه

مكياجها هو

يقربوا

حب بهو

رومانسيه بهي

إندماج

فجأه يظهر جايز

يتفرقوا

صوت عالي../ ملعون أبو الفلسفه

إضلام

ستار

,,,,,,,,,,,,,,

هذا المشهد : سيناريو و حوار و تأليف وإخراج

محمود إبراهيم سلام

أحد أصدقائي العفاريت

,

لو ما فهمتش حاجه إبقى طنش

وبعدين ؟؟؟؟؟!!!!

وبعدين ؟؟؟؟ هتفضل واقف كده ...... يا عم اعمل حاجة بطل التبليمة دي !!!!!

انتا مستغرب ليه اه ايوه انا بكلمك انتا, بتهرش في دماغك ليه بقى ..... وكمان بتسأل اعمل ايه يعني...

اعمل اي حاجه يا أخي ذاكر مثلا , إيه ذاكرت ..... طب روح فكر في ممممممممم هو انا كنت بقول ايه

انا نسيت............!!!!!

انا بكلم مين ...؟؟.......غريبة أنا إيه اللي وقفني في المراية , الله هو انا ايه اللي مصحيني بدري كده

هيا الساعة كام دلوقت .! ....و بعدين ايه اللي جابني هنا مش انا المفروض نايم ... ولا انا بحلم

هو انا صاحي وعايز انام؟؟؟؟

انا هوجع دماغي ليه.......................

مش مشكلة ....!!!!!

انا دلوقت أروح انام عشان عندي حاجات كتير اوي الصبح اعملها

هو انا إيه اللي مخليني متأكد اني هصحى الصبح ...

هي المشكلة في اني مصحاش ولا أصحى ؟

لو ما صحتش ربنا يثبتني عند السؤال ويارب ارحمني وارحم جميع المسلمين.....

ولو صحيت الحاجات الكتير اللي عندي دي هتشفعلي لما ما اصحاش ولا هتوديني فـــــ

طب ......

وبعدين!!!!!!!!!!!!!!؟

سؤال كبير اوي لازم نسأله لنفسنا قبل ما نعمل اي حاجه

العلبة دي فيها إية ؟؟؟

العلبة دي فيها دنيتي !!!

هيا ايه الحكاية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش عارف انا إيه اللي طلعها في دماغي وخلاني أعمل المدونة دي..

يمكن دي تبقى اخر علبة...أو أول !!!!

المهم

سعااااااااات كتير اوي بحس اني جويا كتير بس زهقت من الكلام

وكل لما اجي اتكلم القيني بقول (ياعم قبلك كتير قالوا) ماعدش له لزمة ,

عد كام واحد سمع ومفهمش وكام واحد مرضاش يفهم وكام وكام..!

وشويه أقول

بس فيه كلام كتير علم...

المهم برضو

سيبك من شوية التناقضات دي اللي هتلاقى منها ياما

إتكلت على الله وقلت انا هفتح علبتي وكمان هفتح شوية علب يمكن فية من ضمن النااااااااااااس الكتير اللي عايشة عشان تسمع وتشوف ,

حد ممكن انا ابقى حكايتة أو حتى اكون بالنسبه له نكتة يقولها وهو قاعد على القهوه

و لو مش لاقي حكايه يحكيها لصحابة....هنا يلاقي

جايز يقول الله دا بيفكر زيي

أو

عندة نفس مشكلتي

أو

ايه الواد المجنون ده .

محدش عارف ردود فعل الناس اليومين دول

على العموم ياما في الجراب يا حاوي ولسه فيه نكت كتير وحكايات أكتر

الموضوع مش بس علبة وعفريت تعالوا نقرب شوية من العفريت يمكن يفتح لنا قلبة

حاكم العلبة دي دنيا كبيـــــــــــــــــــــــــــــــــــــرة أووووووي

ماتنسوش لما الحكاوي تخلص هيفضل بردو فيه علب كتير

أصل انا متأكد ان كل واحد فينا عندة علبة

عشان العفريت لما بيتقفل علية الباب بيقى عندة أسرار وحكاوي ونكت

منها اللي يخليك تعيط من كتر الضحك ومنها اللي يخليك ماتقدرش تمسك نفسك وتضحك وتقول شر البلية ما يضحك!!!!

وفيه اللي تنساه اول لما تقفل الصفحة